Loksins getur Guð farið að blessa Ísland.

Þegar Ríkisstjórnin er búinn að framkvæma það réttláta og miskunsama í þessum vandræðum þá er ástæða til að fagna. Og það er nokkuð ljóst að við eigum möguleika eftir að þessar aðgerðir koma til framkvæmda fyrir heimilin í landinu.
Það fer þá að birta til fyrir hagkerfið og okkur öll.
Það gæti verið að við settum fram það gott fordæmi í þessum efnum að Bandaríkin litu til okkar varðandi réttlæti.
Takk Jesús fyrir heilögu Jóhönnu. Og Steingrím.
Það er ástæða til að fagna, en í hófi þó. Verðtryggingin er eftir. Og margt er enn hægt að gera. Og ef höfuðstóll lána lækkar ekki sem nemur fasteignabólu er voðinn vís.

En ég ef fulla trú á því að það mál gangi hratt fyrir sig. Þetta er ríkisstjórn sem greinilega gengur erinda fólksins ?
Og þetta verður yndislegt sumar. Jibbý. Unga fólkið í landinu á mögulega framtíð.
Halelúja.

Þúsundir heimila skulda meira en þau eiga

Athugasemdir

[Axel (IP-tala skráð) 10.3.2009 kl. 19:11]

Það er ekki hægt að afnema bara verðtrygginguna því krónan er algjörlega háð henni. Ef verðtryggingin verður tekin úr sambandi, fer ég eins og væntalega allir aðrir með peningana mína úr landi á öruggan stað því ég vil ekki tapa þeim en skortur á lausfjármagni í landinu sem verður bein afleiðing í kjölfarið, leiðir þjóðina í gjaldþrot.

Það sem verður að gerast núna er að krónan verður að styrkjast, það er eina örugga leiðin til að lækka vexti. Verðtryggingin endurspeglar stöðu krónunnar og vandamálin okkar en því miður misskilja þetta margir og sjá það svo að verðtryggingin sé vandamálið en það er alls ekki rétt.

En Guð er samt sem áður góður og Jesús dó fyrir syndir okkar, eigðu góðan dag og gakktu með Guði.

[Gummi (IP-tala skráð) 10.3.2009 kl. 19:25]

Vimmi....ertu cowboy?

[Magnús Sigurðsson, 10.3.2009 kl. 21:27]

Rétt hjá þér Vilhjálmur, fögnum í hófi verðtryggingin er eftir og við vitum ekki enn hverjir skilmálarnir verða. 

Verða skuldarar látnir samþykkja þá hækkun sem orðið hefur á skuldum þeirra s.l. ár með áframhaldandi verðtryggingu?  Fá þeir í staðinn fyrir það samþykki greiðslujöfnun sem felst í að færa afborganir aftur fyrir?  Ef svo er jafngildir það gjaldþroti 40% heimila þessa lands nú þegar.

Hvernig sem fer, Guð blessi Ísland.

[Vilhjálmur Árnason, 10.3.2009 kl. 23:45]

Það virðist sem einhver hafi logið að þér.... og hálfri þjóðinni.

Þú ert einn af þeim sem trúir þeim rökum að verðtryggingin tryggi innistæður þínar.

Forseti ASI notar svipaðann rökstuðning.

Það eina sem tryggir innistæður í raun er ábyrg útlánastefna. Verðtrygging er plástur sem er búið að ljúga inná þjóðina sem lækningu við verðbólgu.

Þvílík vitleysa.

Verðtrygging er ekki lækning við verðbólgu. Ábyrg útlán eru lausn við verðbólgu.

Verðtrygging er algjörlega óþörf ef útlán eru vel valin og tempruð í hlutfalli við sparnað.

Til stuðnings laga um afnám verðtryggingar.

Síðan Ólafslög voru aftengd launavísitölu hefur vaxið gríðarlegt ójafnvægi milli skuldara og lánveitenda.

Þetta óréttlæti hefur fengið að viðgangast í skjóli laga, í skjóli alþingis og seðlabanka og allra stofnana þessa lands sem eiga að verja borgara með lögum. Það er því óendanlega mikilvægt að þetta mál komist á dagskrá núna og við viljum fá að vita hvenær svo að almenningur geti mætt fyrir utan þingið og stutt málið í gegn ef þörf er á. Það væri sorglegt ef þetta tækifæri sem nú myndast vegna vilja þessarar ríkisstjórnar til að gera eitthvað í málinu, mundi glatast. Við höfum af því eðlilegar áhyggjur.

Við erum því glöð að fá að koma að málinu og væntum skýrra svara eins fljótt og hægt er.

Þegar rætt er um verðtryggingu ber að hafa í huga.

Verðtrygging skapar móralska hættu fyrir útlánastofnanir.

Verðtrygging stuðlar að meðvitundarleysi í útlánum. Og stuðlar þessvegna að verðbólgu.

Verðtrygging er skaðleg bankakerfinu, eins og sagan sannar og vanþroskar vöxt þess.

Verðtrygging verndar ekki innistæðueigendur. Verðbólgan veldur kaupmáttarskerðingu umfram innistæðuhækkun. Ef litið er á alla heildina.

Verðtrygging er stórskaðleg lífi skuldara.

Verðtrygging er rökvilla.

Verðtrygging er stórskaðleg framtíð Íslands.

Og stuðlar að röngum hlutföllum í hagkerfinu.

Verðtrygging skapar aukna hættu á verðbólgu.

Verðtrygging stuðlar ekki að stöðugleika, nema þá síður sé.

Það er meiri verðbólga í löndum með verðtryggingu af augljósum ástæðum.

Verðbólga hefur lengi verið ofreiknuð og hefur sú skekkja færst inn í verðtrygginguútreikninga.Vísitala neysluverðs er hæpinn mælikvarði á verðtryggðar skuldir, sbr. grein Einars Árnasonar hagfræðings BSRB.

þegar verðtrygging var upphaflega sett á var hún tengd launum. Þegar hún var aftengd launum opnuðust tækifæri til að skapa ójafnvægi milli getu þeirra sem skulda og raunverulegra skulda. Þessi tækifæri voru notuð, og fyrir vikið blæða heimilin og stefna rakleitt í gjaldþrot, en eigendur skuldanna græða á tá og fingri, að minnsta kosti í augnablikinu, en ekki til lengri tíma.

Verðtrtygging hefur leitt til okurvaxta vegna stjórnunar skuldaeigenda á ytri aðstæðum sem síðan bætast ofan á höfuðstól lánsins, sem þýðir að þó vextir hækki tímabundið mun höfuðstóllinn aldrei lækka aftur - og greiðsla af lánum hækkar þar af leiðandi út í hið óendanlega.

Í þessu samhengi er verðtrygging brot á mannréttindum.

Því hver og einn einstaklingur á rétt á sanngjarnri og réttlátri meðferð samkvæmt lögum.

Afnám verðtryggingar hækkar ekki vexti á lánum nema gert sé ráð fyrir verðbólgu uppfyrir vexti.

Það er því ekki rétt að segja að verðtrygging stuðli að betri kjörum á lánum. Heldur er það ábyrg útlanastefna sem stuðlar að hagstæðum lánum og stuðlar að söfnun.

Ábyrg útlánastefna er grundvöllur og hornsteinn hagkerfis til langframa.

Og ef vel er að verki staðið mun þannig stefna stýra okkur inn í aðra tíma í efnahagsmálum.

Hægt og sígandi verða umskipti til söfnunnar að veruleika og mun það hafa gríðarleg áhrif á hagkerfið.

Án verðtryggingar ætttu útlán verða vandaðari og betur valin.

Þess ber að geta að það þarf ekki langskólaða hagfræðinga til að komast að annari niðurstöðu, hagkerfið er einfaldara en svo.

[Þórarinn Þ Gíslason (IP-tala skráð) 12.3.2009 kl. 04:42]

Sæll Vilhjálmur.

Góð grein hjá þér. 

Og  ekki geta umbæturnar orðið allar á einum degi,en við skulum vona að þær komi í réttri röð.

Kveðja