Enginn einbeiting engin lausn.

Hvað er stærsta vandamál þjóðarinnar ?

Óttaslegnir Alþingismenn. Og evrópublindaðir verkalýðsleiðtogar.

Hvar er kjarkur ykkar. 

Efnahagsstjórn undanfarinna ára og nú undanfarinna missera.

Það er frestunnarárátta og einbeitingaskortur.Það er meðvitundarleysi um efnahagsvanda þjóðarinnar og svo hagsmunatregða. 

Skiptir það máli að vera með stefnu sem vill leiða okkur inn í evrópu. En frestar nauðsynlegum umbótum í núverandi efnahag. Eins og afnám verðtryggingar.

Það er alvarlegt mál að ekki er leitað til óháðra hagfræðinga sem þora að koma með lausnir sem virka fyrir hagkerfið og fólkið í landinu en eru ekki búnar til af bankahagsmunum og viðskiptahagsmunum. 

Nú hafa lánastofnanir og sjóðir verið að viðhalda sínum venjulegu verkum í vörn um fjármagn sitt og ólöglegu vörur.Það má segja að hér ráði bankavöld en ekki stjórnvöld. Hér eru lánastofnanir enn í gjörningum sem eru ólöglegir og fjármálaeftirlitið gerir ekkert til þess að lina árásir fjármálastofnanna á almenning.

Í allan vetur hefur stór hluti þjóðarinnar þjáðst undan eitruðum gjörningum lánastofnanna. Lánastofnannir sem fóru fram hjá lögum og stjórntækjum seðlabanka í skjóli lamaðs eða spillts fjármálaeftirlits. Og lögum sem settt voru á hinu háa alþingi fyrir áratugum og enginn þeirra kjörnu fulltrúa hefur haft þann dug sem þarf til að rétta standa með almenning.

Í marga áratugi hefur almenningur þjáðst undan verðtryggingu og slæmri lagasetningu, okurvöxtum og skuldaþrældómi. Og nú með nýjustu bjarnagildrunni. Gengistryggðum lánum.

Enn er enginn kjörinn fulltrúi þjóðarinnar á alþingi nógu hugaður til þess að standa upp fyrir almenning í, landinu og einfaldlega lýsa þessa gjörninga ólöglega. Siðlausa gjörninga sem eru skaðvaldur og árás á hagkerfi og þegna þessa lands. Lamaðir af ótta við fjármagnsvald og bankahagsmuni. Kjósa þeir að dæma almenning fyrir gáleisi í lántökum. Ráðamenn þessarar þjóðar tala eins og karlfuskur sem segir nauðgunin var henni að kenna, hún var í of stuttum kjól. Orð þeirra sem fara með völd í þessu samfélagi eru full af fordómum og dauða. 

Mig langar að minna kjörna fulltrúa á hlutverk sitt. Hvort sem þeir eru alþingismenn eða verkalýðsleiðtogar.

Hvað er það hlutverk ?

Er það ekki að setja lög sem vernda almenning, er það ekki að stuðla að því að réttlætið nái fram að ganga. Er það ekki að sjá til þess að lög séu virt. 

Forseti ASI gerir ekkert af þessu. Hann er í stöðugri hagsmunagæslu með dauðu fjármagni og stendur tregur gegn því sem raunverulega verður að gerast í þessu samfélagi. Hann hefur alltaf varið verðtryggingu. Sem er stórskaðleg og á stórnn þátt í að setja hagkerfið á hliðina.

Gylfi er fordómafullur maður sem á ekki að vera í forustu fyrir verkalýðsfélagi. Hann er vanhæfur og talar ekki fyrir úrlausnum, á vanda heimilann. Hann talar fyrir því að ekkert sé gert og að ekkert sé aðhafst og eitraðir gjörningar lánastofnanna nái að gjöreiðleggja fjárhag og heilsu þeirra sem tóku lán sem voru ólögleg.

Fordómafullur maður sem stendur ekki fyrir raunverulegum lausnum. Það er augljóst að þessi maður er ekki maður til að berjast fyrir réttindum almennings. Hann stendur heldur ekki með lögum þessa lands.

Nú vil ég halda aftur af orðum mínum. En ég get það varla lengur. Talsmáti hans er ekki til þess ætlaður að leysa vanda heldur til þess eins að mynda gjá milli manna.

Hvað er það sem verður að gerast ?

Það eru nokkur atriði sem þegar hafa verið framkvæmd. 

Frestun á uppboðum. Framkvæmt.

Gengistryggðum lánum rift. Ekki búið að koma í verk.

Þeim snúið yfir í krónur. Enginn kostnaður er innifalinn í þessu. Kröfuhöfum er gert það ljóst að um ólöglega samninga hafi verið að ræða. Ef einhver kostnaður hlýst af þessu á hann að sjálfsögðu að lenda á þeim sem seldi ólöglega vöru inn á lánamarkað. En með því að snúa lánum yfir í vaxtalán er kostnaður hverfandi. Og er í raun eingöngu samningsatriði. Þetta er að mestu leiti spurning um vilja. Orð og ræðu til verka til þess að fara eftir lögum sem sett eru í landinu. Með lögum skal land byggja. Það er alltaf best að fara eftir lögum og það er alltaf best að leiðrétta hlutina eftir lögunum.

Verðtryggingu verður að afnema. Það gengur ekki að vera með afsakanir lengur.  Það gengur ekki að fresta, það eru aðrir tímar. 

Forustusauðir 

Þessa menn, sem eru í forustu vantar sárlega sanna réttlætiskennd. Hana er samt að finna í öðrum hvorum Íslending sem sér í hendi sé réttlætið í því að leiðrétta þennan skaða.

Öll gengistryggð lán verði sett í einn búnka og þau höndluð sem eitraður úrgangur og samningsatriði milli kröfuhafa. Þau verði umsamin í einu lagi yfir í krónur. Þetta er ekki vandamál, þetta er ekki flókið. Það er bara að hafa vilja til að leysa þetta. Marmiðið er að losna við öll lán sem eru að valda skaða á almenningi og í hagkerfinu. Þetta verkefni er auðvelt að sameinast um. Það virðist samt flækjast fyrir forustumönnum og konum þessarar þjóðar.

Þetta er ekkert mál. En forustumenn þessarar þjóðar virðast ekki hafa viljann til þess að leysa þetta. Við verðum greinilega að leysa þetta sjálf. Og við munum gera það. Fara í mál. Mótmæla og fara í verkföll.

Það borgar sig alltaf að finna réttlætið og fylgja því.

Ég vil, ég þori, ég get ég, þori bæði get og vil. 


mbl.is Nýjan sáttmála um stöðugleika
Tilkynna um óviðeigandi tengingu við frétt

« Síðasta færsla | Næsta færsla »

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband