Til hamingju Ísland. Ég í forval hjá VG. http://this.is/villi/

Til hamingju allir þeir sem fóru fram á tiltekt í efstu stjórn peningamála. Það er magnað að sjá hve lítið þarf til að Íslendingar hlaupi í lið með þeim öflum sem hafa mótað fjármálakerfi sem hefur hrunið, skaðað borgara þessa lands, atvinnuvegi og orðspor okkar meðal þjóða. Það þurfti ekki nema eitt viðtal við sjálfmiðaðann fyrrum foringja til þess að stór hluti þjóðarinnar væri til í að kaupa rök hanns og afsakannir. Hann setti sig í fórnarlambssætið og fékk samúð margra. Skekkti umræðuna um sinn og lék leik sem borgarar þessa lands eru orðnir langþreyttir á. En margir féllu fyrir leikþættinum. Margir eru enn múlbundnir og vilja trúa Davíð sínum. Þetta segir mér hvað Íslendingar eru viðkvæmir fyrir því að það sé logið að þeim. Við erum auðtrúa og við viljum treysta þeim sem leiða okkur. Þetta er auðvitað viss galli og er varhugaverður. Við skulum vera betur vakandi. Það er nauðsynlegt að borgarar séu meira meðvitaðir. En hvar finnum við stjórnmálamenn sem eru traustsins verðir. Og hvernig er hægt að treysta því að þeir spillist ekki af valdi því sem er sett í hendur þeirra. Því er vandsvarað en ég tel mig vera einn af þeim sem sækjast ekki eftir völdum heldur einungis því að hafa áhrif til góðs og að standa gegn því sem er til tjóns fyrir borgara þessa lands. Sem er rotið kerfi. Nú hef ég ákveðið að fara í prófkjör hjá VG vegna þess að þau mál sem ég vil varpa ljósi á eru lítið rædd, en eru að mínu mati mjög dýrmætt innlegg í þá umræðu sem fer nú fram í uppbyggingu og endurreisn hagkerfis Íslands. Það er krafa um endurnýjun í stjórnmálum og það er talað um mentun og fagmennsku. Ég vil bera fram byltingarkendar hugmyndir sem umbylta öllu fjármálakerfi og leysa flest þau hagkerfismein sem valda borgurum þessa lands sem mestu fjörtjóni til langframa. Framtíðarsýn. Þessi framtíðarsýn er ekki kennd í skólum þessa lands og hagfræðin sem hún byggir á er ekki kennd í Háskóla Íslands að mér vitandi. Skoðið stefnumál mín og leggið þeim lið ef áhugi ykkar vaknar til þess.

http://this.is/villi/


mbl.is Seðlabankafrumvarpið samþykkt
Tilkynna um óviðeigandi tengingu við frétt

« Síðasta færsla | Næsta færsla »

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband